'' சுசி '' என்றால் தூய்மை - இது வெறும் உடல் தூய்மையை மட்டும் குறிப்பதல்ல. உங்கள் மனம் தவறான எண்ணங்களாலும்,கெட்ட உணர்வுகளாலும் மாசடைந்து விடுகிறது. நீங்கள்,உங்கள் மனம் தொடர்ந்து தீய எண்ணங்களால் நிரம்புமாறு செய்தீர்களானால் நீங்கள் தீய விளைவுகளையே பெற வேண்டி வரும்.எனவே,தவறான எண்ணங்களுக்கும், உணர்வுகளுக்கும் இடம் அளிக்காது, அனைத்து எதிர்மறை இயல்புகளையும் எடுத்து எறியுங்கள்.உங்களது உடல் வன்முறையின் சுவடுகள் இல்லாதவாறு இருக்க வேண்டும். மனிதர்கள் தங்களது கரங்களால் பல வன்முறையான செயல்களையும், பாவகரமான காரியங்களையும் செய்கிறார்கள்; இது மிகவும் தவறானதாகும்.இந்த உடல் முதன் முதலில் தர்மத்தைக் கடைப் பிடிப்பதற்காகவே கொடுக்கப் பட்டுள்ளது.இப்படிப் பட்ட அரிய பரிசை மற்றவர்களுக்கு சேவை ஆற்றுவதற்காகவே பயன்படுத்த வேண்டும். எவரும் ஒரு நிமிடம் கூட ஏதாவது ஒரு செயலை ஆற்றாமல் இருக்க முடியாது. எந்த சந்தர்ப்பத்திலும்,எவரும் தூய்மையற்ற எந்த செயலையும் ஆற்றக் கூடாது. இந்தத் தூய்மையை நீங்கள் நிலையான மன உறுதியுடன் பெற்றே ஆக வேண்டும்.