அனைத்து செயல்களும், வெளியில் உள்ள சக்திகளால் இன்றி, உள்ளார்ந்த உந்துதல்களினால் எழுவதால்,அனைத்து ஆன்மீக சாதகர்களுக்கும் அகத்தூய்மை இருக்க வேண்டும். உங்களது செயல்கள் உங்களது உள்ளுணர்வை பிரதிபலிக்கின்றன. உங்களுள் தூய்மையான உணர்வுகள் எழும்போது, உங்களது செயல்களும் இயல்பாகவே தூய்மையானதாகவே அமையும். உள்ளுணர்வுகளைத் தூய்மைப் படுத்த உங்களது மனம்,வாக்கு மற்றும் உடல் தூய்மையானதாக இருக்க வேண்டும்.இந்த மூன்றில், வாக்குத் தூய்மை மிகவும் முக்கியமானதாகும்.ஸ்ரீமத் பகவத் கீதை, ''நீங்கள் உச்சரிக்கும் ஒவ்வொரு வார்த்தையும் கிளர்ச்சியையோ அல்லது குழப்பத்தையோ ஏற்படுத்தாமல் இருக்க வேண்டும் (அனுத்வேககரம் வாக்யம் ஸத்யம் ப்ரியஹிதம் ச யத்)'' என்று உணர்த்துகிறது. உங்களது பேச்சு ஸத்யமானதாகவும், இனிமையானதாகவும் இருக்க வேண்டும். பேச்சின் மாசிற்கு நான்கு அம்சங்கள் காரணமாகின்றன; அவையே பொய் உரைப்பது, அளவுக்கு அதிகமாகப் பேசுவது,பிறரைப் பற்றிக் கதை கட்டுவது,பிறரை நிந்திப்பது அல்லது விமர்சிப்பது.உங்களது நாக்கு இந்தக் குற்றங்களை இழைக்காமல் இருப்பதை உறுதி செய்யுங்கள். இந்த நான்கு தீய மனப்பாங்குகளை அகத்திலிருந்து நீக்கினால் மட்டுமே,உங்களது பேச்சு தூய்மையானதாகவும், மாசற்றதாகவும் இருக்கும்.