ஆசைகளும், எதிர்பார்ப்புகளும் இல்லாமல் ஒருவர் இந்த உலகில் இருக்க இயலுமா? ஓரளவு முடியாது தான் !பொருட்கள் மற்றும் புலனின்பங்கள் சிலருக்கு கவர்ச்சியாக இருக்கலாம்; உயர்ந்த மற்றும் உலகியல் அல்லாதவற்றில் மற்றவர்களுக்கு விருப்பம் இருக்கலாம்.கிட்டத் தட்ட அனைத்து ஆசைகளும் இந்த இரண்டு வகைகளில் ஒன்றாகத் தான் இருக்கும். அப்படி என்றால்,இந்த இரண்டு விதமான ஆசைகைள எப்படி விட்டொழிப்பது? இது சாத்தியமே !ஸ்ரீமத் பகவத் கீதையில் பகவான், அனைத்து தார்மீக கர்மங்களிலும் தான் இருப்பதாக பறை சாற்றுகிறார்.எனவே, தார்மீகமான செயல்களில் ஈடுபடுபவர்கள் ஆசையற்ற நிலையை(அனபேக்ஷா) வளர்த்துக் கொள்ள முடியும். அதாவது, எப்போது ஒரு மனிதன் தனது அனைத்து செயல்களையும் இறைவனுக்கு அற்பணமாக ஆற்றுகிறானோ, அவை ஆசையற்ற செயல்களாக ஆகி விடுகின்றன. இறைவனே உள்ளிருந்து ஒருவரை செயலாற்ற,பேச,கேட்க,பார்க்க போன்றவற்றைச் செய்பவன். ஒருவர் ,தனது அனைத்து செயல்களையும் உள்ளிருந்து செயலாற்றுபவன் இறைவனே என்ற உணர்வுடன் ஆற்றினால், பின் அவை அனைத்தும் ஆசையற்றவைகளாக ஆகி விடுகின்றன. எனவே, முதன் முதலில் ஒவ்வொரு ஆன்மீக சாதகனனும், தனது செயல்களை இறைவனுக்கு அற்பணமாகக் கருத வேண்டும்.