பலிச் சக்கரவர்த்தி,தனது தியாக இயல்பின் மூலம்,ஒருவர் அனைத்தையும் தியாகம் செய்தால், மோக்ஷம் அடைவார் என்பதை நிரூபித்துக் காட்டினார். உண்மையான தியாகத்தில் இரண்டு விஷயங்கள் உள்ளன; முதலில் இந்த வாழ்க்கையில் நாம் பந்தங்களில் கட்டுண்டு இருப்பதன் காரணத்தை உணர்வது; இரண்டாவது அந்தக் கட்டை முறிப்பது.மனிதர்கள் செல்வம், குடும்பம் போன்றவையே இந்த பந்தங்கள் என்றும்,அவற்றுடன் உள்ள உறவுகளை முறித்துக் கொண்டு விட்டால், அவர்கள் அனைத்தையும் தியாகம் செய்து விட்டு மோக்ஷத்திற்குத் தகுதி உள்ளவர்களாக ஆகிவிடுவார்கள் என்றும் தவறாக எண்ணுகிறார்கள். ஆனால் உண்மையான பந்தங்கள் இவை அல்ல. ஒருவர் தன்னை, தனது உடலாகக் கருதும் அறியாமையே உண்மையான பந்தமாகும். எவர் ஒருவர் இந்த பந்தத்தை, பலிச் சக்கரவர்த்தியைப் போல முறிக்கிறாரோ, அவரும் மோக்ஷம் அடைவார்.இந்த பந்தத்தை முறிப்பதற்கு, இதயத்தைத் தூய்மைப் படுத்துவது இன்றியமையாததாகும். இந்தக் கலியுகத்தில்,இறை நாமஸ்மரணையே ஒருவரது மனதைத் தூய்மைப் படுத்துவதற்கான மிக எளிதான வழியாகும்; இறைவனை இத்தகைய தூய மனதுடன் சரணாகதி அடைவதே மோக்ஷம் அடைவதற்கான நிச்சயமான வழியும் ஆகும்.