வீடு,வாசல்களை விட்டு விட்டுச் செல்வது தான் துறவறம் என்று மக்கள் நினைக்கிறார்கள்.'' வைராக்யம்''( பற்றற்ற நிலை) என்றால் இது அல்ல.நாம் எதைச் செய்தாலும்,அதை நல்லெண்ணம் மற்றும் சேவை மனப்பாங்குடன் செய்ய வேண்டும்.அது நாட்டின் நலத்திற்காக இருக்க வேண்டும்.அனைவரின் க்ஷேமத்தையே நாட்டின் குறிக்கோளாகக் கொள்ள வேண்டும்.பண்டைய காலம் தொட்டே, பாரத மக்கள் '' அனைத்து உலகங்களிலும் இருக்கும் எல்லா ஜீவராசிகளும் நலனுடன் இருக்க வேண்டும் '' என்ற இலட்சியத்தையே கொண்டு இருந்தார்கள்.இந்த இலட்சியத்தை நிலை நாட்டுவதற்காக மன்னர்களும், பண்டிதர்களும், முனிவர்களும், ஒவ்வொருவரும் பல தியாகங்களைச் செய்தார்கள்.இன்றோ இந்த தியாக மனப்பான்மை எங்குமே காணப்படவில்லை. இன்றைய அனைத்து கொடுமைகள் மற்றும் வன்முறைக்கும் அடிப்படைக் காரணம் சுயநலமே.இந்த நூற்றாண்டில் நமக்கு இருப்பது எல்லாம், போராட்டங்கள், தகறாறுகள், கலகங்கள் மற்றும் வன்முறைகளே. சுயநலம் தலைவிரித்து ஆடுகிறது.ப்ரேமையின் வடிவங்களே ! சுயநலத்தை விட்டொழியுங்கள்.உங்களை சமுதாயத்தின் ஒரு அங்கமாகக் கருதுங்கள்.அனைவரது நலனில் தான் உங்களது நலன் இருக்கிறது என்ற நம்பிக்கையை வளர்த்துக் கொள்ளுங்கள்.