துதிபாடும் உதடுகளை விட, துயர் துடைக்கும் கரங்களே மேன்மையானவை என்பதை நினைவில் கொள்ளுங்கள்.சேவை உணர்வில் ஒருவர் தன்னை அர்ப்பணம் செய்து கொள்வதில் தான் மனிதத்துவம் இருக்கிறது.எண்கள் முக்கியமல்ல,சேவையின் தரமே பிரதானம். நீங்கள் எதைச் செய்தாலும் முழுமனதுடனும், தன்னெழுச்சியுடனும் செய்யுங்கள். முதன் முதலில் தேவைப் படுவது இதயத் தூய்மையே (சித்த சுத்தி).உங்கள் இதயம் தூய்மை அடைந்தால், உங்களுக்கு ஞான சுத்தி கிடைக்கிறது;மேலும் நீங்கள் அனைத்து செயல்களையும்,பற்றுதலற்ற உணர்வோடு அர்ப்பணிக்க முடியும். தெய்வீக ப்ரேமையை, அர்ப்பணிப்பு உணர்வு நிறைந்த சேவையினால் மட்டுமே பெற முடியும். உங்களது அர்ப்பணிப்புக்கு இறைவன் அள்ளித் தருவான். குசேலர் அளித்த ஒரு பிடி அளவு அவல், பதிலுக்கு பகவான் ஸ்ரீ கிருஷ்ணரிடமிருந்து அளவற்ற செல்வத்தை அவருக்கு அள்ளித் தந்தது. திரௌபதிக்கும் இத்தகைய பரிசு கிட்டியது.நீங்கள் இறைவனை நேசிக்காமல் அவனது ப்ரேமையை எவ்வாறு பெற முடியும்? இறை அருள் என்பது ஒரு வங்கியைப் போன்றது. தியாகத்தின் மூலம் நீங்கள் சேமித்து வைத்து இருக்கும் அளவு தான், நீங்கள் வங்கியிலிருந்து பணத்தை எடுக்க முடியும்.ப்ரேமை மற்றும் தியாகத்தின் மூலம் இறை அருளை ஈட்டுங்கள்.