அகந்தையும், அகம்பாவமும் கொண்டவரை எவரும் விரும்ப மாட்டார்கள். நீங்கள் அகம்பாவம் கொண்டவராக இருந்தால், உங்களது மனைவி மற்றும் உங்களது சொந்த மக்கள் கூட, வெளிப்புறத்தில் உங்கள் மீது மரியாதை செலுத்துபவர்களாகத் தோன்றினாலும், உங்களைப் பற்றி சந்தோஷம் கொண்டவர்களாக இருக்க மாட்டார்கள்.அது மட்டும் அல்ல, நீங்கள் அஹங்காரம் உள்ளவர்களாக இருக்கும் வரை, நீங்கள் உண்மையிலேயே சந்தோஷமாக இருப்பது சாத்தியமல்ல.எனவே, முதன் முதலில் நீங்கள் அஹங்காரத்தை விட்டொழிக்க வேண்டும்.அதைப் போலவே, நீங்கள் கோபம் கொள்ளும் போதும்,நீங்கள் சந்தோஷத்தை அனுபவிக்க முடியாது; நீங்கள் கட்டாயம் துன்பப் படுபவர்களாகவே இருப்பீர்கள்.நீங்கள் கோபத்தை அடக்கும் போதுதான் நீங்கள் சந்தோஷத்தை அனுபவிப்பீர்கள்.அதைப் போலவே, உங்களுக்கு தணிக்க முடியாத ஆசைகள் இருக்குமானால்,நீங்கள் உண்மையிலேயே செல்வந்தர்களாக உணர மாட்டீர்கள்.நீங்கள் ஆசைகளை விட்டு விட்ட மறுகணமே, அனைத்து செல்வங்களும் உங்களை வந்தடையும். நீங்கள் பேராசை கொண்டவர்களாக இருந்தால்,சந்தோஷம் என்பது உங்களுக்கு அன்னியனே.பேராசையை விட்டு விடுங்கள், உங்களுக்கு அனைத்து செல்வங்களும் கிட்டும்.