ஒரு பெரிய கூட்டத்தில் மக்கள் பல மொழிகளைப் பேசுகிறார்கள்.ஒவ்வொரு மனிதனும் தன்னுடைய மொழியை மட்டும் தான் புரிந்து கொள்கிறான் மேலும் அவர்களிடம் அந்த மொழியில் தான் பிறரும் பேச வேண்டும் என்று விரும்புகிறான்.ஆனால் அனைவரும் புரிந்து கொள்ளக் கூடிய, அனைவரும் கேட்க விரும்புகின்ற இதய மொழி என்று ஒன்று இருக்கிறது.அந்த மொழியைத் தான் நான் பேசுகிறேன்; அந்த மொழிதான் என் இதயத்திலிருந்து உங்களது இதயத்திற்குச் செல்கிறது.இதயம்,இதயத்தோடு பேசும்போது எந்தத் தடையும் இன்றி ப்ரேமையே அனுப்பப்படுகிறது. சோதனைகள், குழப்பங்கள் மற்றும் சிலிர்ப்புகள்- இவை மனித குலம் அனைத்திற்கும் நிரந்தரமானவை. கனிவான இதயம் இவற்றை, பரிவுடன் கேட்டு ப்ரேமையுடன் பதிலளிக்கும். ஒவ்வொருவரும் சந்தோஷமாக இருக்க விரும்புகிறார்கள்; ஒவ்வொருவரும் குறைவாக வேலை செய்து விட்டு,அதிகமாக பயன் பெற வேண்டும் என்றும்,சிறிதே அளித்து விட்டு ,பெரிதாக அள்ளிக் கொண்டு போக வேண்டும் என்றும் விரும்புகிறார்கள் ; ஆனால்,ஒருவரும் மாற்று முறையான, நிறைய அளித்து, குறைவாகப் பெறுவது என்ற முறையை, பரிசோதனை செய்து பார்ப்பதில்லை.ஒவ்வொரு ஆசையும் உங்களது முன்னேற்றத்தைத் தடுக்கும் கால் விலங்கே; அது கால்களுக்கு பாரமே.ஆசைகளைக் குறைத்துக் கொண்டு, எளிய வாழ்க்கை நடத்துங்கள்;அதுவே சந்தோஷத்திற்கான வழி.