தற்காலத்தில்,செல்வம்,ஆள்பலம் மற்றும் இளமையைப் பற்றிய அகம்பாவம் மேலோங்கி இருப்பதைக் காண்கிறோம். பணம் ஒரு ஜடமே, உயிரற்றது. அது எவ்வாறு வலிமை படைத்ததாக இருக்க முடியும்?அதன் பலம் அல்லது பலவீனம் தனி மனிதரது மனப்பாங்கின் பிரதிபலிப்பே. செல்வமும்,கல்வியும் தூய நீரைப் போன்றவை, நீரை ஒரு குறிப்பிட்ட வண்ணம் உள்ள பாட்டிலில் ஊற்றினால்,நீரும் அதே வண்ணம் கொண்டதைப் போலத் தோன்றுகிறது. அதைப் போலவே, செல்வமும் ஒரு கொடியவனின் கைகளில் இருந்தால்,அது தீய செயல்களுக்காக மட்டுமே பயன் படுத்தப் படும். பணம்,தூய இதயம் கொண்டவர்களின் கைகளில் இருக்குமானால்,அது சீரிய பணிகளுக்காக பயன்படுத்தப் படும். எனவே,செல்வமோ அல்லது அறிவோ பயன்படுத்தப் படும் விதம், அதை கைகளில் வைத்திருப்பவரின் குணநலன்களைப் பொறுத்தே இருக்கும். பணம் தீயதல்ல.நீங்கள் பணத்தைப் பயன்படுத்தும் நோக்கம் நல்லதாக இருக்க வேண்டும்.உங்கள் மனதின் நோக்கம் நல்லவற்றை நோக்கி இருக்குமாறு செய்ய ஆன்மீகத்தை பயன்படுத்துங்கள்.