இன்று மதங்களுக்கு இடையில் அதிகமான அளவு சண்டை மற்றும் சச்சரவுகள் தோன்றியுள்ளன.எந்த ஒரு மதத்திலும் ஒரு தவறும் இல்லை. அனைத்து மதங்களும் நல்லெண்ணங்களையே போதிப்பதற்காகவே வந்துள்ளன. அனைத்து மதங்களும் ஒரே சத்தியத்தைத் தான் முன் வைக்கின்றன; அவை அனைத்தும் ஒரே கடவுளைத்தான் போற்றுகின்றன மேலும் அனைத்து மறை நால்களின் சாரமும் ஒன்றே.எனவே, ஒவ்வொருவரும் தங்களது சொந்த புனிதத்துவம் மற்றும் நல்லொழுக்கத்தை ஆதாரமாகக் கொண்டு அவற்றை வளர்க்க முயற்சிக்க வேண்டும். நல்லொழுக்கமே ஒவ்வொரு மனிதனுள்ளும் உறையும் தீபமாகும்.இந்த தீபம் இல்லை எனில் எங்கும் இருள் மட்டுமே சூழ்ந்திருக்கும்.இதுவே,'' அஸதோமா ஸத்கமய, தமஸோமா ஜ்யோதிர்கமய, ம்ருத்யோர்மா அம்ருதம் கமய ''(நாம் அஸத்யத்திலிருந்து ஸத்யத்திற்கும், இருளிலிருந்து ஒளிக்கும், இறப்பிலிருந்து அமரத்துவத்திற்கும் முன்னேறுவோமாக) என்ற உச்சாடனத்தின் சாரமாகும்.முனிவர்கள் இறைவனைத் தேடினர்; இறுதியாக அவனைக் கண்டு விட்டோம், அவனைத் தெரிந்து கொண்டோம் என பறைசாற்றினார்கள்.அவர்கள் இறைவன எங்கே கண்டார்கள்?அவர்களது இதயங்களுக்கு உள்ளே தான். இருட்டிற்கு எல்லாம் அப்பாற்பட்ட பரப்ரம்மத்தை நாங்கள் கண்டோம் என்று அவர்கள் கூறினார்கள்.