ப்ரியம்,மோதம் மற்றும் ப்ரமோதம் என்பவை மூன்று விதமான சந்தோஷங்கள். உதாரணமாக, உங்களுக்கு மிகவும் பிடித்த பழத்தை நினைவு கூறும்போது, நீங்கள் சிறிது சந்தோஷம் அடைகிறீர்கள்( ப்ரியம் ).அதே பழத்தை கடை வீதியில் பார்த்தவுடன், அதிகமான சந்தோஷத்தை அடைகிறீர்கள்.( மோதம்). இறுதியாக,அந்தப் பழத்தைப் பெற்று, உண்டு ருசிக்கும்போது அது மிகச் சிறந்த சந்தோஷத்தை அளிக்கிறது. ( ப்ரமோதம் ). இவ்வாறு, ப்ரியம் என்பது நீங்கள் ஒரு குறிப்பிட்ட விஷயம், மனிதர் அல்லது பொருள் மீது கொண்டுள்ள ப்ரியத்தினால் எழும் இனிமை அல்லது சந்தோஷ உணர்வாகும்.மோதம் என்றால், நீங்கள் விரும்பிய விஷயங்களைக் காணும் போதோ, அல்லது சந்திக்கும் போதோ ஏற்படும் சந்தோஷம்.ப்ரமோதம் என்பது நீங்கள் விரும்பிய பொருளை உண்மையிலேயே அனுபவிக்கும் போது எழும் புளகாங்கிதம். அதைப் போலவே,இறைவனது சக்தியை-அவனது தெய்வீக வெளிப்பாடுகள் மற்றும்ப்ரேமையை நீங்கள் புராணங்களை வாயிலாகத் தெரிந்து கொள்ளும்போது ஏற்படும் சிலிர்ப்பு, ப்ரியம் எனப்படுகிறது.நீங்கள் கேட்டவற்றை நடைமுறைப்படுத்தும் போது,நீங்கள் மோதம் எனும் சந்தோஷத்தைப் பெறுகிறீர்கள். இறைவனோடு ஒன்றரக் கலக்கும் போது, நீங்கள் என்றும் நிலைத்திருக்கும் பேரானந்த நிலையான ப்ரமோதத்தை அனுபவிக்கிறீர்கள்.