'' கிருஷ்ணா'' என்ற சொல்லின் பல அர்த்தங்களில் ஒன்று ,'' இதயம் எனும் நிலத்தை உழுபவன்'' என்பதாகும். ஸ்ரீ கிருஷ்ணர் மக்களை ஈர்த்து,உடைந்து போன இதயங்களில் அன்பை விதைத்து,போஷித்து,மேலும் அதை அறுவடை செய்து ஒப்புயர்வற்ற ஆனந்தத்தை அளிக்கிறார்.பகவான் ஸ்ரீகிருஷ்ணர் கால் நடைகளை நேசித்து பசுக்களைப் போஷித்தார்.அதே சமயம் அவரது தமயனான பலராமர் கலப்பையை தனது இணை பிரிக்க முடியாத ஆயுதமாகக் கொண்டு இருந்தார். கலப்பை ஒரு அழிவை உண்டாக்கும் ஆயுதமல்ல;அது மனித குலத்திற்கு உணவளிக்கும் விவசாயத்திற்கு உதவுகிறது.எனவே, இருவரும் தங்களையே அனைத்து ஜீவராசிகளுக்கும் அர்ப்பணித்தவர்கள். இதிலிருந்து உங்களுக்கான உபதேசம், '' உங்களது அறிவை நடைமுறைப் படுத்தி, அனைத்து ஜீவராசிகளையும் உயர்த்த அவசியமானவற்றை அறுவடை செய்யுங்கள் '' என்பதே. எப்போதும் உங்களையே, ''எனது சக மனிதர்களின் சந்தோஷத்திற்கு நான் எவ்வாறு எனது பங்கை ஆற்றியுள்ளேன்?'' என்று கேட்டுக் கொள்ளுங்கள்.உங்கள் இதயத்தை விசாலமாக்கிக் கொள்ளுங்கள்; உங்களது ப்ரேமை அனைவரையும் தன்னுள் அரவணைத்துக் கொள்ளட்டும். சுய மரியாதையைப் பேணிக் காத்துக் கொள்ளுங்கள். தன்னம்பிக்கையை வளர்த்துக் கொள்ளுங்கள். ஸ்ரீகிருஷ்ணர், '' கோபாலன் '' எனவும் ஆராதிக்கப் படுகிறார்.( ''கோ'' என்றால் அனைத்து ஜீவராசிகளும் எனப் பொருள்). எனவே,நீங்கள் சக மனிதர்களுக்கும் அனைத்து ஜீவராசிகளுக்கும், தன்னலமற்ற ப்ரேமை மற்றும் பரிவுடன் சேவை ஆற்றும் போது, நீங்கள் ஸ்ரீகிருஷ்ணருக்கு அவர் மிகவும் ஆனந்தமாக ஏற்றுக் கொள்ளும் ஆராதனையை செய்கிறீர்கள்; அவர் தனது அருளை உங்கள் மீது பொழிவார்.