மூன்று சந்தர்ப்பங்களில் உங்களுக்கு சுதந்திரம் கிடையாது; உங்களது கடமைகளை ஆற்றுவதில்;நிர்ப்பந்தத்தின் காரணமாக செயலாற்றுவதில் மற்றும் சில உறவு முறைகளின்( சம்பந்தத்தின் ) மூலமாக எழும், செய்தே ஆக வேண்டிய செயல்களை ஆற்றுவதில்.உணவைப் பெற முடியாத ஒரு ஏழை, திருட முயன்று விட்டு,அவனது பசியைத் தீர்த்துக் கொள்வதற்காக தனது சுதந்திரத்தைப் பயன்படுத்தினேன் என்று கூற முடியாது.ஒரு வேளை தனது சுய நலத்தின் காரணமாக,அவன் திருட்டை நியாயப் படுத்த முயலலாம்; ஆனால் அவனது மனச்சாட்சி, அவன் தவறு செய்கிறான் என்று கண்டிப்பாகச் சொல்லி விடும். ஒருவரது மனச்சாட்சிக்கு எதிராகச் செய்யப் படும் எந்தச் செயலும் சுதந்திரமான செயல் அல்ல. மனதின் உந்துதல்களிலிருந்து எப்போது ஒருவர் விடுபடுகிறாரோ, அப்போது மட்டுமே உண்மையான சுதந்திரம் ஏற்படுகிறது. ஸ்வேச்சா (சுதந்திரம் )என்ற பதம், இரண்டு வார்த்தைகளைக் கொண்டது- ஸ்வ இச்சா. '' ஸ்வ '' என்றால் ஆத்மா. ஆத்மாவின் ஸங்கல்பம் எப்போது ஆளுமை புரிகிறதோ, அப்போது தான் உண்மையான சுதந்திரம் இருக்கும். இறைவனும் ,நீங்களும் வெவ்வேறல்ல. இந்த ஒருமைப்பாடு, வெறும் புத்தி பூர்வமான கருத்தாக மட்டும் இருந்து விடக் கூடாது. அது உயிரூட்டமுள்ள உண்மையாக இருக்க வேண்டும்.பின்னரே, நீங்கள் உண்மையான சுதந்திரத்தை, அதாவது ஆத்ம சுதந்திரத்தை, அனுபவிப்பீர்கள்.