உங்களது கைக்கு இவ்வாறு சொல்லுங்கள்,'' ஓ கையே !நீ எவ்வளவு புனிதமானவன்? ஒற்றுமையின் திரு உருவம் நீ.ஒரு விரலால், ஒரு கோப்பையைத் தூக்க முடியாது; எப்போது ஒரு விரல் அதைத் தூக்க நகருகிறதோ, நீங்கள் அனைவரும், பல் வேறு நீளம் மற்றும் உருவில் இருந்த போதும், விரைந்தோடிச் சென்று உதவி, அந்தக் கோப்பையை பிடித்துக் கொள்ளச் செய்கிறீர்கள்! நீ,எந்த வித்தியாசத்தைக் காணவோ அல்லது அதைப் பற்றிக் கவலைப் படவோ செய்வதில்லை.உனது விரல்களுக்கிடையில், உன்னில் இயற்கையாகவே காணப்படும் ஒற்றுமை இத்தகையது. ஓ கையே! மனித உடலைக் கட்டிக் காக்க நீ மிகவும் உதவுகிறாய்,உனது கடின உழைப்பின் மூலம் துன்பங்களை நீக்குகிறாய் மேலும் பிறருக்கு உதவுகிறாய். நீ ஏன் சில சமயங்களில் த்வேஷத்தை வளர்க்கும் விதத்தில் செயலாற்றுகிறாய்?இன்று எந்தக் கூட்டத்திலும், சமூகத்தில் அல்லது மதத்திலும் ஒற்றுமையே இல்லை. ஆனால் நீ த்வேஷம் அறியாதவன். தயவு செய்து தவறான செயல்களில் ஈடுபடாதே.'' இவ்வாறு அறிவுறுத்தி உங்களது செயல்கள் புனிதமாக இருப்பதற்கு, உங்கள் கைகளுக்கு வழி காட்டுங்கள். எப்போது உங்கள் எண்ணங்கள், சொற்கள் மற்றும் செயல்கள் புனிதப் படுத்தப் படுகின்றனவோ, அனைத்து பிற அங்கங்களும் அவ்வாறே புனிதமடைந்து, இவ்வாறு நீங்கள் மோக்ஷம் அடைவீர்கள்.