"ஏ நாக்கே!இனிமையான சுவையை அனுபவிப்பதற்காக தேர்ந்தெடுக்கப் பட்டவன் நீ;தியாகத்தின் அறிகுறியான சத்தியத்தைப் பேசுபவனும் நீயே!நீ தன்னையும் மதித்து மற்றவர்களையும் மதிக்கிறாய்.வீட்டை விட்டு வெளியில் செல்லாது, பக்கத்து வீட்டினரோடு ,எந்த நட்போ அல்லது உரசலோ இன்றி உனது பணியை ஆற்றுகிறாய்.நீ பேசும் வார்த்தைகள் தான் எவ்வளவு இனிமையானவை? உன்னதமானவனே !நீ சிறப்பான கவிதைகளை ஓதி, இனிமையான பாடல்களைப் பாடுகிறாய். எப்போதாவது ஏதாவது சுவையான பதார்த்தமோ அல்லது பழமோ உனக்குக் கொடுக்கப் பட்டால், நீயே அதை வைத்துக் கொள்ளாது, உடனேயே அதை உணவுக் குழாயின் வழியாக வயிற்றிற்கு அனுப்பி விடுகிறாய்.கசப்பான ஏதாவது கொடுக்கப் பட்டால், அதை வெளியில் துப்பி, வயிற்றைக் கஷ்டங்களிலிருந்து காப்பாற்றுகிறாய்;நீ தன்னலமற்றவன்,பிறருடன் பகிர்ந்து கொள்வதில் மிகுந்த ஆனந்தம் அடைபவன்; மேலும் சகிப்புத் தன்மையின் சிகரம் நீ. நீ, 32 கூர்மையான பற்களின் இடையில் வாழ்ந்தாலும்,புத்திசாலித்தனம் மற்றும் இங்கிதத்துடன், ஒரு கடி கூடப் படாமல் நடந்து கொள்கிறாய். தயவு செய்து தவறிக் கூட ஒரு போதும், முறையற்ற வார்த்தைகளைக் கூறி விடாதே." இவ்வாறு, நாவிற்கு அதன் உன்னத குணங்களை நினைவூட்டி, பிறரைக் குறை கூறுவதின் மூலம் தனது பெயரைக் கொடுத்துக் கொள்ள வேண்டாம் என அறிவுறுத்துங்கள்.