மனிதர்கள் நல்லொழுக்கமான வாழ்க்கை நடத்துவதால் கிடைக்கும் பலன்களை அனுபவிக்க வேண்டும் என்பதற்காகவே, மதங்கள் ஏற்பட்டன. உடல் , மனம் மற்றும் புத்தி என்ற மூன்றையும் ஒன்றிணையச் செய்யும் தலை சிறந்த ஒரு அமைப்பே மதமாகும். நேர்மை அல்லது முழுமையான நடத்தையே நல்லொழுக்கமாகும். நல்லொழுக்கமே தர்மம் எனவும் அழைக்கப் படுகிறது. நல்லொழுக்க நெறியைக் கடைப் பிடிப்பது மட்டுமே இந்த உலகம், சிறந்த சுபீட்ச நிலைகளை அடைவதற்கு உதவும்.அனைத்து மதங்களின் குறிக்கோளும் இதுவே;அவை அனைத்தும் இந்த சத்யத்தையே நிலை நிறுத்துகின்றன.அவற்றின் அடிப்படைக் கடமை மனிதனை ஒரு தெய்வீகப் பிறவியாக மாற்றுவதே. மதம், ஒரு மனிதனுள் உள்ளார்ந்த மாற்றத்தை ஏற்படுத்துகின்றது. ஒரு நல்ல வாழ்க்கை நடத்துவதற்குத் தேவையான தன்னம்பிக்கையை வளர்ப்பதற்கு, அது விழைகிறது.அனைத்து மதங்களும் நல்லொழுக்கம் என்ற ஸ்திரமான அஸ்திவாரத்தின் மீது தான் அமைக்கப் பட்டுள்ளன. நல்லொழுக்கம் சீர்குலைந்தால், மதங்கள் மட்டுமல்ல, மனித குலம் முழுவதுமே சீர்குலைந்து விடும். ஒவ்வொரு மனிதரும், நல்லவராக இருந்து, நல்லொழுக்க நெறியுடனான வாழ்க்கையை நடத்த வேண்டும். செல்வச் செழிப்புகளைப் பெறுவது என்பது நல்லொழுக்க நெறிகளைக் கடைப் பிடித்தால் மட்டுமே சாத்தியமாகும்.