நீங்கள் அனைவருமே தெய்வீகத்தின் ஒளிக்கீற்றுகளே. எப்படி உலையிலிருந்து எழும் ஒரு நெருப்புப் பிழம்பு,சில நேரத்திற்குப் பிறகு சாம்பலாக மாறி விடுகிறதோ,அவ்வாறே நீங்களும் கூட உங்களது தெய்வீக வழித் தோன்றலை மறந்து விடுகிறீர்கள்.நீங்கள் கல்வி கற்பதோடு கூடவே, உங்களை தெய்வீகத்திற்கு இட்டுச் செல்லும் ஆன்மீகக் கட்டுப் பாடுகளையும் கடைப் பிடிக்க வேண்டும்.ஆன்மீகக் கட்டுப்பாடுகளை உள்ளடக்கிய கல்வி நிறுவனங்களில் கல்வி பயில்பவர்கள் தங்களை மிகவும் அதிர்ஷ்ட சாலிகளாகக் கருத வேண்டும்.நீங்கள் கற்ற இந்த இலட்சியங்களைக் கையில் ஏந்தி , இறைவனது ஆணைகளில் ஒரு சிறு அளவையேனும் கடைப் பிடித்தீர்களானால், கல்வியின் உண்மையான நோக்கத்தையும், மனித வாழ்க்கையின் உண்மையான குறிக்கோளையும் உணருவீர்கள்.தார்மீகமான நடத்தை அற்ற கல்வியினால் ஒரு மதிப்பும் இல்லை.நீங்கள் கற்றவற்றை வெறும் வாழ்க்கை நடத்துவதற்காக மற்றும் அல்லாது,சமூகத்திற்கு சேவை ஆற்றுவதற்காகவும் பயன் படுத்த வேண்டும்.பின்னரே, நீங்கள் பெற்ற பட்டங்களுக்கு ஒரு அர்த்தம் இருக்கும்.நீங்கள் எந்தப் பணியை ஆற்றினாலும், எங்கு வேலை செய்தாலும், ஆன்மீகக் கட்டுப்பாட்டையும்,ஆத்ம சாக்ஷாத்காரம் அடைய வேண்டும் என்ற குறிக்கோளையும் தொடர்ந்து கடைப் பிடிக்க வேண்டும்.