அனுமானம் அல்லது ஊகம், நிரூபணம் செய்ய அல்லது புரிந்து கொள்வதற்கான முறைகளில் ஒன்றாகும். தூரத்தில் உள்ள மலைக் குன்றில் நாம் புகையைக் காண்கிறோம். அதிலிருந்து வரும் புகையை வைத்து, அந்தக் குன்றில் எங்கேயோ, நெருப்பு இருக்கிறது என எளிதாக முடிவு செய்கிறோம். நீங்கள் புகையை மட்டுமே பார்த்தாலும் கூட, காண முடியாத ஒன்று இருப்பதை, நாம் காணும் ஒன்றின் மூலம் ஊகிக்கிறோம். இப்படிப் பட்ட நிரூபணம் செய்யும் முறை ''அனுமான ப்ரமாணம்'' எனப் படுகிறது. இப்படிப் பட்ட முறைகள் - நேரடியான அல்லது அனுமானமான நிரூபணங்கள், வெளி உலகிற்கு மட்டுமே பொருந்தும். தெய்வீகத் தத்துவத்தை அறிய, ஒருவர் ''ஸப்த ப்ரமாணம்'' அல்லது வேதங்களை மட்டுமே ஆதாரமாக எடுத்துக் கொள்ள வேண்டும். வேதங்களில் தெய்வீகம், ''வடிவற்றது, குணங்களுக்கு அப்பாற்பட்டது, அழியாதது, நிலைத்தது, தூய்மையானது, சுதந்திரமானது, சுயம்பிரகாசமானது என்றெல்லாம் விவரிக்கப் படுகிறது - இந்த விவரிப்புக்கள் அனைத்தாலும், பரப்பிரம்மத்தை உங்களுக்குக் காட்ட முடியாது. நீங்கள் அவற்றின் (வேதங்களின்) போதனைகளைக் கடைப் பிடித்து, உங்களுள்ளும், உங்களைச் சுற்றியும் உறையும் பரப்பிரம்மத்தை உணர வேண்டும்.