ஒரு நாள் மாலை, நீங்கள் ஒரு பாதையில் போய்க் கொண்டு இருக்கிறீர்கள், திடீரென்று, ஒரு கனத்த நீண்ட கயிறு ஒன்று தரையில் இருப்பதைக் காண்கிறீர்கள்; உடனேயே உணர்வு பூர்வமாக, அது ஒரு பாம்பு தான் என நினைத்து பயப்படுகிறீர்கள்! இந்த பயம் எங்கிருந்து வந்தது?அது எவ்வாறு போகிறது?அந்த பாம்பு உங்கள் பயத்தைப் போக்குவதற்காக கயிறாக மாறியதா? இல்லை! கயிறு, இன்னும் கயிறாகத் தான் இருக்கிறது, நீங்கள் அதைத் தவறாக பாம்பு என நினைத்து விட்டீர்கள்! நீங்கள் அடைந்த இந்த மனப்பிராந்தியின் விளைவு, , உலகியலான திருஷ்டியால் வந்ததே.இந்த உலகனைத்தும், பரப்பிரம்மத்தின் வெளிப்பாடே என்பதை உணருங்கள். இந்த உலகை வெறும் பொருட்களால் ஆன ஒன்றாகவும், அவை தெய்வீக சிருஷ்டிகள் இல்லை என்றும் காணக்கூடிய அறியாமை,மாயை மற்றும் மனப்பிராந்தியினால், உங்களது திருஷ்டி , தெளிவற்றதாக ஆகியுள்ளது.இந்த உலகில் நீங்கள் கண்டு, உண்மை என எண்ணும் அனைத்தும் உண்மையற்றவை மற்றும் பொய்யானவை என்பதைப் புரிந்து கொள்ளுங்கள். ஆன்மீக மனப்பாங்கு, உங்களது திருஷ்டியைத் தெளிவாக்கி,சத்தியத்தை, சத்தியம் என்று உணரவும்,எந்த விதமான பயத்தை நீக்கவும் செய்கிறது.