சரியான நேரத்தில் ஒலிப்பதின் மூலம் ஒரு அலாரம் கடிகாரம் நமக்கு விழிப்பூட்டுகிறது.அதைப் போலவே,பண்டைய கால முனிவர்கள் மனிதர்களை அவர்களது அறியாமை எனும் தூக்கத்திலிருந்து தட்டி எழுப்பி,தகுந்த நேரத்தில் , சரியான முறையில் அவர்களுக்கு எச்சரிக்கைகளையும் செய்தனர். எங்கும் நீக்கமற நிறைந்துள்ள பரம்பொருளை உதாசீனப் படுத்துவதை நிறுத்துமாறு எச்சரித்து, அதை உணருவதைத் தொடங்குமாறு செய்யும் சக்தி வாய்ந்த போதனைகளை அவர்கள் பெரும்பாலும் அளித்தனர்.இப்படிப் பட்ட உயர்ந்த ஆத்மாக்களின் வார்த்தைகள் உங்களது இதயங்களில் இடையறாது ஒலித்துக் கொண்டே இருந்து உங்களது வாழ்க்கைகளுக்கு ஒளியூட்ட வேண்டும்.ஏசு பகவான் அவர்கள் ஒவ்வொருவரும் மனித உருவில் உள்ள தெய்வீகமே என்றும் ஒவ்வொரு ஜீவராசியும் அவனது தூதரே என்றும் பறை சாற்றினார்.அவர் தனது வாழ்க்கையின் மூலம் ,இந்த உடலில் கடைசி சொட்டு இரத்தம் இருக்கும் வரை, அதன் ஒவ்வொரு சிறு பகுதியும் மனித குலத்தின் சேவைக்காகவே அர்ப்பணிக்கப் பட வேண்டும் என்பதை எடுத்துக் காட்டினார். ஏசு பகவான் '' ப்ரேமையும், கருணையும் நிறைந்த இதயமே இறைவனின் உண்மையான ஆலயம்'' என ப்ரகடனம் செய்தார்.உங்களது வாழ்க்கையை, அவர்களது போதனைகளை உளமாற கடைப்பிடிப்பதற்கு அர்ப்பணிப்பதே, அவர்கள் பெரும்பாலும் அந்த ப்ரேமை மயமான இறைவனுக்கு செலுத்தும் உண்மையான காணிக்கையாகும்.