ஒவ்வொருவருக்கும் எதிர்காலத்தைப் பற்றி அதிக ஆர்வம் இருக்கிறது. எதிர்காலம் என்றால் என்ன? அது கடந்த காலத்தைப் பொறுத்தே இருக்கிறது. கடந்த காலத்தைப் பற்றி பொருமிக் கொண்டு இருக்காதீர்கள்; எதிர் காலத்தைப் பற்றி கவலைப் பட்டுக் கொண்டும் இருக்காதீர்கள்.கடந்த காலம் கடந்து விட்ட ஒன்று.மறைந்து, போய்விட்ட ஒன்றைப் பற்றி எண்ணிக் கொண்டு,வருத்தப் பட்டுக் கொண்டு இருப்பதால் என்ன பயன்? அதை மறந்து விடுங்கள் !நிகழ்காலம் மிகவும் முக்கியமானது.இத்தருணத்தில் வாழுங்கள்,<நிகழ்காலத்தைப் பின்பற்றுங்கள். பெரும்பாலும் பலர் இறந்த காலம் அல்லது எதிர்காலத்தைப் பற்றி எண்ணிக் கொண்டு, நிகழ்காலத்தை அழித்துக் கொள்கிறார்கள். பல முறை நீங்கள் கடந்த காலத்தில் மகிழ்ச்சியாக இருந்ததாகவும், தற்போது வருத்தத்துடன் இருப்பதாகவும் எண்ணுகிறீர்கள். எந்த அளவு கடந்த காலத்தில் மகிழ்ச்சியாக இருந்தீர்கள்? அப்போதிலிருந்து உங்களின் மனப்பாங்கு மாறியிருக்கிறதா?உங்கள் மனதில் இருந்த அழுக்குகள் சுத்தமாகி விட்டனவா? இப்போது நீங்கள் சந்தோஷமாக இருப்பதாகவும், உங்களுக்கு அனைத்தும் தேவையான அளவில் இருப்பதாகவும் நம்புங்கள். இத்தருணத்தில் உங்களது மனம் ஆசீர்வதிக்கப் பட்ட ஒன்று. நீங்கள் எப்போதும், '' அனைவருக்கும் உதவ வேண்டும், ஒருபோதும் தீங்கிழைக்கக் கூடாது''. பகவான் நீங்கள் நிகழ்காலத்தின் முக்கியத்துவத்தை உணர்ந்து, நிகழ்காலத்தில், இத்தருணத்தில் வாழ்ந்து, உங்களது முன்னேற்றத்திற்காக உழைக்க வேண்டும் என்று விரும்புகிறார்.