எவ்வாறு அறுவடைக் காலம் ஒரு விவசாயிக்கு மிக முக்கியமான பருவமோ, அவ்வாறே இளமைப் பருவம் ஒரு மாணவனுக்கு மிக முக்கியமான பருவமாகும். விவசாயி, நல்ல அறுவடை பெறுவதற்காக, விதைகளை விதைப்பதற்கான தகுந்த தருணத்திற்காகக் காத்திருக்கிறார்.மகசூலின் வெற்றிக்குக் பருவம் ஒரு மிகவும் முக்கியமான அம்சமாகும்.அறுவடைக் காலத்தில் ஒரு விவசாயி தனது உணவு, குடிநீர் மற்றும் தூக்கம் ஆகியவை பற்றிக் கவலைப்படுவதில்லை;தனது முழு கவனத்தையும் நல்ல மகசூலைப் பெறுவதிலேயே செலுத்தி கடுமையாக உழைக்கிறார். நல்ல மகசூல் ஒன்றே, அனைத்து மகிழ்ச்சிக்கான மூல காரணம் என அவர் நம்புகிறார்.அதைப் போலவே, ஒரு மாணவனுக்கும், அவன் கல்வி கற்கும் காலம் அறுவடைப் பருவம் போன்றதே. அது மிகவும் முக்கியமான காலம் மற்றும் அவர்களது வாழ்வின் அடிப்படையும் ஆகும்.அவர்கள், தங்களது அனைத்து நேரத்தையும் அர்ப்பணித்து, பசி, தாகம் மற்றும் தூக்கத்தைப் பற்றிக் கூடக் கவலைப் படாமல், தங்களது நல்லொழுக்கத்தை வளர்ப்பதிலும், பூரணமான, முழுமையான ஞானத்தைப் பெறுவதிலும் மட்டுமே குறியாக இருக்க வேண்டும்.