இறைவனே உங்களது குருவாக, மார்க்கமாக, தலைவனாக இருக்கட்டும். அவனைப் போற்றி,அவனது கட்டளைகளுக்குப் பணிந்து, உங்களது நன்றி கலந்த அஞ்சலியை அவனுக்கு அர்ப்பணித்து,அவனை உங்கள் நெஞ்சத்தில் நிலையாகப் பற்றிக் கொள்ளுங்கள்.இந்த ஒன்றே ஒன்று தான்,உங்களது உண்மையான நிலை அவனே என உணர்வதற்கான எளிதான வழியாகும். இந்த உண்மை நிலை எங்கும் உணரத் தக்கது. நீங்கள் இதை உளமாற நாடும் போது, இது உங்களுக்கு உள்ளேயே தெளிவாகத் தெரியும். இதை, நீங்கள் உங்களது மற்றும் பிறருக்கு ஆற்ற வேண்டிய கடமைகளை தன்னலமின்றிச் செய்யும் போது கூட, அனுபவிக்க முடியும். உங்களது வாழ்க்கைகளைப் புனிதப் படுத்தி, மனதையும் தூய்மைப் படுத்துவதற்கான நான்கு கோட்பாடுகளை இன்று உங்களுக்கு நான் தருகிறேன்:அதன் மூலம் நீங்கள் உங்களுள் உறையும் இறைவனுடன் தொடர்பு கொள்ள முடியும். அவைகளே:தீயவர்களின் நட்பை விட்டு விடுங்கள் (த்யஜ துர்ஜன ஸம்ஸர்கம்), நல்லவர்களுடன் இருக்கும் வாய்ப்புகளுக்கு வரவேற்பளியுங்கள் (பஜ ஸாது ஸமாகமம்), இரவும்,பகலும் நற்செயல்களையே புரியுங்கள் (குரு புண்ய அஹோராத்ரம்),நிலையானவை எவை, நிலையற்றவை எவை எனப் பகுத்தறிந்து, நினைவில் கொள்ளுங்கள் ( ஸ்மர நித்ய அநித்யம் ).