பௌர்ணமி என்றால் ஒளி விட்டும் பிரகாசிக்கும் முழு நிலவு என்பதாகும். இதயத்திலிருந்து மாயையின் இருளை நீக்கி, அதில் உயர் ஞானத்தால், ஒளி ஏற்றும் ஒருவரே குரு ஆவார்.நிலவும் மனமும், பொருள் மற்றும் அதன் ரூபம் போன்று ஒன்றுக்கொன்று சம்பந்தப் பட்டவை. இன்றைய தினம், நிலவு முழுமையாக,தெளிவாக மற்றம் தண்மையாக இருக்கிறது; அதன் ஒளி இனிமையாகவும்,சாந்தமாகவும் இருக்கிறது; மனதின் ஒளியும் அதைப் போன்றே இனிமையாகவும் ,தூய்மையாகவும் இருத்தல் வேண்டும்.உங்களது இதயக் கோவிலில், நிலவே மனமாகும்.புலனாசைகளும்,உலகியலான செயல்களும்,அந்த ஒளியின் ஆனந்தத்தை மறைக்கும் கரு மேகங்களாகும். ப்ரேமையின் வலிய தென்றல் காற்று அந்த கரு மேகங்களைக் கலைத்து உங்களுக்கு நிலவொளியின் குளுமையான மகிமையை அளிக்கட்டும். பக்தி முழுமையாக பிரகாசிக்கும் போது,இதயத்தின் ஆகாயம் சுந்தரக் கிண்ணமாக ஆகி, வாழ்க்கை பேரானந்தத்தின், இரு மருங்கிலும் மரங்களைக் கொண்ட மன மகிழுவூட்டும் ஒரு மார்க்கமாக மாறி விடும். இன்றைய போதனையை நினைவு கூர்ந்து ,உணர்ந்து விட்டால்,அந்த இதயத்தின் சுந்தரத்தை,அந்த வாழ்க்கையில் உள்ள பேரானந்தத்தை வென்று விடலாம்.