ஸ்ரீமத் பகவத் கீதை ,ஒருவர் துயரம் எனும் சாகரத்தைக் கடப்பதற்கு உதவும் விலை மதிப்பற்ற அறிவுரையை வழங்குகிறது. '' அத்வேஷ்டா ஸர்வ பூதானாம்'' எந்த ஒரு ஜீவராசியின் மீதும் வெறுப்பு கொள்ளாதீர்கள்,'' ஸர்வ பூத ஹித ரத:'' எப்போதும் அனைவரது நலனைப் பேணுவதில் ஈடுபடுங்கள், '' ஸம ஸத்ரௌ ச மித்ர ச '' நண்பனையும், பகைவனையும் ஒன்று போல பாவியுங்கள் - இவை அனைத்தும், ஸ்ரீமத் பகவத் கீதையில், பிரபஞ்ச மயமான ப்ரேமையை வளர்த்துக் கொள்வதற்கான உபாயங்களை எடுத்துக் காட்டும் ஆபரணங்கள். ஒருவருக்குக் கூட, அனைத்துலக ஜீவராசிகளின் மீது த்வேஷம் இருத்தல் கூடாது என அறிவுறுத்துவதன் மூலம், ஸ்ரீமத் பகவத் கீதை, தெய்வீகம், அனைத்து ஜீவராசிகள் மற்றும் பொருட்களில், ஆத்மா என பொருத்தமாக அழைக்கப்படும், உயிரூட்டும் தத்துவமாக ஒளிருகிறது என்ற விலை மதிப்பற்ற பாடத்தைக் கற்பிக்கிறது. மறை நூல்களும் இந்த மகத்தான சத்தியத்தை உறுதிப் படுத்துகின்றன.அனைவரும் தெய்வத்தினுள் உறைபவர்களே ( ஈஸா வாஸ்யமிதம் ஸர்வம்); அனைத்து ஜீவராசிகளின் அந்தராத்மா இறைவனே ( ஸர்வ பூத அந்தராத்மா).