நீங்கள் அனைவருமே, மோக்ஷம் எனும் நகரத்தை நோக்கிச் செல்லும் பயணத்தின் யாத்ரீகர்களே.ஒவ்வொரு ஜன்மமும், இந்தப் பயணத்தின் ஒவ்வொரு நிலையன்றி வேறில்லை; உங்களது உடல்,இந்த யாத்திரையில் நீங்கள் ஒரு சில காலம் தங்கி இருக்கும் சத்திரமாகும். மனம் நாம் தங்குமிடத்தின், காவற்பொருட்பாளர் போன்றது.மனதை எஜமானராகவோ அல்லது வீட்டுக்காரராகவோ நடத்தாதீர்கள்; ஆனால், நமக்கு தங்கும் சலுகை கிடைத்த வீடு சேதம் அல்லது மாசு அடையாமல் பார்த்துக் கொள்வதில் கவனமாக இருங்கள். நாம் காவல்காரரை மரியாதையுடன் நடத்த வேண்டும்; அதே சமயம் வீட்டின் உட்புறங்களை அழித்து விடக் கூடாது.சஞ்சலமுள்ள மனம் வியாதிகள் தோன்றுவதற்கான முக்கியமான மூல காரணம்.பலர் ஸதாஸர்வகாலமும் ஏதோ ஒரு கவலையால் பாதிக்கப் பட்டு,ஒரு போதும் மனக்கலக்கத்தில் இருந்து மீள்வதே இல்லை.எதனால்?ஏனெனில், அவர்கள் தங்களை , தங்களது உடலாகக் கருதுவதால் தான் ! விருப்பு, வெறுப்பு என்ற இரட்டை இழுப்புக்களின் காரணமாக அவர்கள் செய்த முந்தைய கர்மாக்களின் மூலம் ஒருவர் அவர்களது இந்த உடலைப் பெறுகிறார். உங்களுள்ளும், ஒவ்வொருவர் உள்ளும் உறையும் தெய்வீகம் ஒன்றே என்பதை நீங்கள் உணர்ந்து விட்டால்,இந்தச் சுழற்சியிலிருந்து ( பிறப்பு, இறப்பு) நீங்கள் தப்பித்து விடலாம்.