வாழ்க்கைப் பயணத்தின் யாத்ரீகனாகிய நீங்கள், மனதின் விசித்திரங்களால் உதவப்படுகிறீர்கள் அல்லது தடங்களுக்கு உள்ளாகிறீர்கள்.ஏதாவது ஒன்றிற்கான ஏக்கம் அல்லது ஆசை,சில லாபம் அடைவது அல்லது நஷ்டத்தை தவிர்ப்பது ஆகியவற்றை மனம் தனது நூலிழைகளாகக் கொண்டது. மாயையின் காரணமாகத் தோன்றும் பற்றுதலில் இருந்து ஆசை உருவாகிறது. ஆசை மனதைச் சிதைத்து, இழிவு படுத்தி, அதை இடையறாது கலக்கத்தில் ஆழ்த்துகிறது. கற்கள் அதன் மேல் விழும்போது, எந்த ஒரு நீர்நிலையும் அமைதியாக இருக்க முடியாது;இடையறாத ஆசை மழை பொழிந்து கொண்டு இருந்தால், அது பரிதாபகரமாக சஞ்சலத்திலேயே இருக்கும். ஆத்மாவிலிருந்து எழும் ஆனந்தத்தை, உங்கள் புத்தியைக் கொண்டு மனம் எனும் ஏரியில் தேக்கி வைத்துக் கொள்ள வேண்டும்.ஆனால் அந்த ஏரியில் புலன்கள் எனும் ஓட்டை மற்றும் விரிசல்கள் இருந்தால், ஆனந்தம் கசிந்து வீணாகி, மனம் எனும் ஏரி வரண்டு விடும்.புலன்களின் பசியைத் தீர்க்க முயலும்போது, உங்கள் மனம் ஊசலாடி, நிலை தடுமாறி விடுகிறது. அதன் சேவகர்களாகிய உங்களது புலன்களுக்கு எஜமானனாக இருப்பதே உங்கள் மனதின் நியாயமான பங்காகும்.