ஆத்ம சாக்ஷாத்காரத்தை வாழ்க்கையின் குறிக்கோளாகக் கொண்டிருந்த போதும், ஒருவர் தனது உலகியலான கடமைகளை ஆற்றுவதில் எந்தத் தவறும் இல்லை.வாழ்க்கை வெறும் வாழ்வதற்காக மட்டும் அல்ல, அதுவே ஒருவர் தனது உண்மையான நிலையை உணர்வதற்காக வழியும் ஆகும். வாழ்க்கையை ஒரு தார்மீகப் பயணமாகக் கருதி,ஒவ்வொரு நாளும் நீங்கள் சில நிமிடங்களையாவது வாழ்க்கையின் உண்மையான குறிக்கோள்களைப் பற்றிய சிந்தனைகளுக்காக அர்ப்பணிக்க வேண்டும்.ஒரு நாளின் பல மணி நேரங்களை சுயநலமான முயற்சிகளில் வீணடிக்கப் படுகின்றன;ஆனால் சில நிமிடங்கள் கூட இறைவனை தியானிப்பதற்காகச் செலவிடப் படுவதில்லை. அந்தோ பரிதாபம்! எப்படிப் பட்ட துரதிருஷ்டம் இது! அர்ஜூனன் தான், இறைவனின் ஒரு கருவியே எனக் கருத வேண்டும் என்று பகவான் ஸ்ரீ கிருஷ்ணர், ஸ்ரீமத் பகவத் கீதையில் அறிவுறுத்துகிறார்.நீங்கள் அனைவருமே இறைவனின் கருவிகள் தான்.பலன்களை இறைவன் பால் விட்டு விட்டு உங்களது கடமைகளை ஆற்றுங்கள்.உங்களது பங்கு உளமாற உங்களது கடமைகளை ஆற்றுவது தான்.வெற்றியும், தோல்வியும் இறைவனது கைகளில் தான் உள்ளது.நீங்கள் தான் செய்பவர் என்ற உணர்வைக் கூட கொண்டிருக்காதீர்கள். இறைவனே இந்த வாய்ப்பை அளித்து, வாழ்க்கையில் இந்தப் பங்கை ஆற்ற அருளியுள்ளான் என்றே நீங்கள் எண்ண வேண்டும்.