இன்றைய காலத்தில் மனிதர்கள் சாஸ்திரங்களின்(மறைநூல்கள்) வார்த்தைகளை அப்படியே பின்பற்ற முயலுகிறார்கள். சாஸ்திரங்களின் வசனங்களை, அவைகள் கூறப்பட்ட கால கட்டம் மற்றும் சூழ்நிலைகளுக்கு ஏற்றவாறே விளக்கப் பட்டு , புரிந்து கொள்ளப் பட வேண்டும். பின்னரே அவற்றின் உண்மையான பொருள் தெளிவாகும். ஒருவரும் தான் போதிப்பதையோ, கற்பிப்பதையோ பின்பற்றுவதில்லை. ஆன்மீகச் சொற்பொழிவுகளைக் கேட்பதைக் காட்டிலும்,ஒருவர் தான் அவற்றில் இருந்து கற்றுக் கொண்ட ஒரு சிறிதளவையாவது பின்பற்ற முயல வேண்டும். வேதாந்தம் பல இடங்களில் விரிக்கப் படுகிறது, ஸ்ரீமத் பகவத் கீதையைப் பற்றிக் கேட்கவே வேண்டாம்.ஆனால் எவ்வளவு பேர் ஸ்ரீமத் பகவத் கீதையின் உண்மையான சாரத்தைப் புரிந்து கொண்டு அதன் உபதேசங்களின் படி நடக்கிறார்கள்? போதிப்பதும், பின்பற்றுவதும் முன்னுக்குப் பின் முரணாக இருப்பதால் தான் சாஸ்திரங்கள் மிகவும் குறைவாக மதிக்கப் படுகின்றன. இதயத்திலிருந்து எழும் உணர்வுகள், வாயிலிருந்து வரும் வார்த்தைகள், ஒருவர் ஆற்றும் செயல்கள் என்ற எல்லாம் ஒன்றுக்கு ஒன்று இசைவுடன் இருந்தால் மட்டுமே, ஒருவரது வாழ்க்கை சத்தியத்தை ஆதாரமாகக் கொண்டு இருக்கும்.