மெத்தப் படித்து பல பட்டங்கள் வாங்கிய இளைஞர்கள் பலர் இருக்கிறார்கள். அவர்கள் அவற்றை எதற்குப் பயன்படுத்துகிறார்கள்? பணம் சம்பாதிக்கவே! இன்றைய காலகட்டத்தில் பணம் அவசியம் தான்.கோவிலுக்குப் போவதற்குக் கூட, ஒரு கோப்பை காப்பி அல்லது ஒரு பாட்டில் தண்ணீர் அருந்துவதற்கு உங்களுக்கு பணம் தேவையே.ஆனால் நீங்கள் பணத்திற்குப் பின்னால் அலைவதைக் காட்டிலும் அதிகமாக மனிதாபிமானத்தை வளர்த்துக் கொள்ள வேண்டும்.நம்மைச் சுற்றியுள்ள அனைத்து பிரச்சனைகளுக்கும் நாமே காரணம்.நீங்கள் உங்களை நல்ல மனிதராக உருவாக்கிக் கொண்டு,நீங்கள் கற்றவற்றைக் கடைப் பிடித்தால், இந்த உலகமே வித்தியாசமானதாக மாறி விடும்.உங்கள் வாழ்க்கையை ஆணவம்,கர்வம் மற்றும் தீயகுணங்களோடு நடத்தாதீர்கள்.அதற்கு பதிலாக,பணிவு மற்றும் அடக்க உணர்வோடு உங்கள் வாழ்க்கையை நடத்துங்கள்.உங்களது தீய குணங்களை விட்டொழித்தால் மட்டுமே நீங்கள் தூய்மையானவர்களாக ஆவீர்கள். உங்களைச் சுற்றி உள்ள மாசைக் களைவதற்கு நீங்கள் தூய மனம் கொண்டவர்களாக இருக்க வேண்டும். தூய மனம் என்பது சந்தேகங்களற்றது,தன்னலமற்றது மேலும் நிலையானது. தூய மனம் மட்டுமே ஒரு நாட்டின் கௌரவத்தை நிலை நாட்ட முடியும்.