ஒரு பெரிய குடும்பத்தைக் கொண்ட ஒருவர், தனது வீட்டில் தியானம் செய்வதற்காக அமர்ந்தார்.ஏதாவது ஒரு குழந்தை அவரைத் தொந்தரவு செய்து கொண்டே இருந்ததால்,ஒரு அறைக்குள் சென்று கதவைத் தாளிட்டுக் கொண்டார்.இருந்தாலும், இப்போது யாராவது ஒருவர் அடிக்கடிக் கதவைத் தட்டியதால், அவர் தொந்தரவுக்கு ஆளானார்.எனவே, அவர் ஒரு காட்டிற்குச் சென்று ஒரு மரத்தடியில் அமர்ந்து தியானம் செய்யத் தொடங்கினார்.ஆனால், இங்கும் அவர் மரத்தின் மேல் இருந்த பறவைகளின் எச்சங்கள் விழுந்ததால், மன உளைச்சலுக்கு ஆளானார். வீட்டிலும்,காட்டிலும் இருக்கும் தொந்தரவுகளால், வெறுப்புற்று தனது வாழ்க்கையை முடித்துக் கொள்வதே சிறந்தது என்ற எண்ணத்திற்கு வந்து விட்டார். துரதிருஷ்டவசமாக, அவரால் இறைவன் எல்லாவற்றிலும் இருக்கிறான் என்பதை உணர்ந்து, சகிப்புத் தன்மையை வளர்த்துக் கொள்ள இயலவில்லை.ரஜோகுணம் மிகுந்து இருக்கும் பக்தனுக்கான ஒரு சரியான உதாரணம் உண்மையில் இவரே. எங்கிருந்தாலும் மனக்குவிப்புடன் இருப்பதே ஸத்வ குணம் கொண்ட பக்தனின் சிறப்பு அம்சம்.இப்படிப் பட்ட பக்தர் கூட்டத்தில் இருந்தாலும், தனியாக இருந்தாலும், மனக்குவிப்பை ஏற்படுத்திக் கொள்ள வல்லவர். வரும் தொந்தரவுகள் அனைத்தும் இறைவனிடமிருந்தே வருகின்றன எனக் கருதி அவை ஏற்றுக் கொள்ளப் பட வேண்டும்.