நீங்கள் எங்கு பார்த்தாலும், எவரைப் பார்த்தாலும்,அங்கிருப்பது தெய்வீகத்தை அன்றி வேறில்லை.உங்களை விடத் தாழ்ந்தவைகளாகத் தோன்றினாலும் கூட, அனைத்து ஜீவ ராசிகளையும் நமஸ்கரியுங்கள்.நீங்கள் அந்த தனிப்பட்டவரை வணங்கவில்லை, ஆனால், அவர்களுள் உறையும் தெய்வீகத்தை வணங்குகிறீர்கள் என்பதை நினைவில் கொள்ளுங்கள். தண்ணீர் நிரம்பிய ஆயிரம் குடங்கள் உங்களிடம் இருக்குமானால், மேலே ஜ்வலிக்கும் சூரியனின் பிரதிபலிப்பு அனைத்து குடங்களிலும் ஒரே மாதிரியாகத்தான் இருக்கும்.அதைப் போலவே, தெய்வீகத்தின் பிரதிபலிப்பு, அனைத்து ஜீவராசிகளிலும் ஒன்று போலவே இருக்கும்.எவ்வாறு சூரியனின் பிரதிபலிப்பு குடத்தில் இருப்பவற்றைப் பொறுத்து இருக்குமோ, அவ்வாறே நீங்கள் உங்களைச் சுற்றிக் காண்பது எல்லாம் உங்களது சொந்த செயல்களின் பிரதிபலிப்பு, பிரதிவினை மற்றும் பிரதித்வனியே.நீங்கள் என்ன செய்கிறீர்களோ அல்லது சொல்கிறீர்களோ, அதுவே உங்களுக்கே திரும்பி வருகிறது. நீங்கள் உங்களது சொந்த உருவத்தைத் தான் கண்ணாடியில் காண்கிறீர்கள். நீங்கள் மற்றவர்களை வெறுக்கிறீர்கள் என்றால், நீங்கள் உங்களையே வெறுக்கிறீர்கள் என்றே பொருள்.நீங்கள் உங்களது செயல்களுக்காக இறைவனைக் குறை கூறிப் பயனில்லை. இறைவன் குணங்களற்றவன், புனிதமானவன், தூய்மையானவன் மற்றும் விவேகமுடையவன். இறைவனுக்கு குணங்களை கற்பிப்பது மனிதர்களின் அறியாமையே..