தியானம் என்றால், வெறும் கண்களை மூடிக் கொண்டு உட்கார்ந்து ஒரு இறை ரூபத்தின் மீது மனக் குவிப்பை எற்படுத்திக் கொள்வது என்று பொருள் அல்ல.நீங்கள் கண்களை மூடிக் கொண்டு ஒரு இறை ரூபத்தின் மீது கவனத்தை செலுத்தி இருக்கலாம். ஆனால், தியானத்தின் போது,மனதில் ஒரு அலைபாயும் தன்மை இருக்குமானால், அது வெறும் ஒருமுகப்படுத்தலே அன்றி தியானம் ஆகாது.மனதின் அலைபாயும் தன்மை எப்போது மறைகிறதோ, அப்போது உங்களது ஒருமுகப் படுத்துதல் நிலையாகி, தியானமாக மாறி,மெதுவாக நீங்கள், உங்களையும் அந்த ரூபத்தையும் மறந்து சமாதி நிலையை அடைகிறீர்கள்.இறுதியில்,எந்த ரூபமும் இருக்காது- எனவே தான் அது ஆத்மா எனப் படுகிறது.மனிதர்கள் அதற்கு வித விதமான பெயர்களை இட்டுள்ளார்கள்.நீங்கள் ஒரு இறைரூபத்தை மற்ற ரூபங்களை விட அதிமாக வழிபடுகிறீர்களே என்று கவலைப் படாதீர்கள்- அதுவே இறுதி முடிவு அல்ல;அது ஒருமுகப்படுத்தலும் அல்ல.விடாப்பிடியாக அந்த இறைரூபத்தில், அது நிலையாகும் வரை கவனம் செலுத்துங்கள்.இந்தப் பாதையில் நீங்கள் முன்னேறிச் செல்லும்போது, உங்களது கவனம் முழுமையாக நிலை கொண்டு, ஒருமுகப்படுத்தலே,தியானமாக பரிமளிக்கும்.