இன்றைய உலகில், அறிவு அல்லது ஞானம் மூன்று விதமானது. 1) தினசரி வாழ்க்கையில், கருத்துகளின் அடிப்படையில் இருக்கும் விஷய அறிவு. தெரிந்தவற்றை உண்மை எனவும் கற்பனைகளை பொய்மை எனவும் எடுத்துக் கொள்வது நடைமுறை அறிவு. 2) இரண்டாவது வகையில் உள்ளவர்கள், புலன்களால் உணரக் கூடிய இந்த உலகமே உண்மையானது;காணவோ அல்லது கேட்கவோ முடியாதவை பொய்யானவை அல்லது இல்லாதவை எனக் கருதுபவர்கள். அவர்கள் இயற்கையே உண்மையானது என்றும் கடவுள் இல்லை என்றும் கருதுகிறார்கள். 3) மூன்றாவது வகையானவர்கள் , ஒன்றுக்கும் மற்றொன்றிற்கும் எந்த விதமான வித்தியாசமும் பாராட்டாது, இந்த பிரபஞ்சம் அனைத்துமே இறைவனின் பிரதிபிம்பம் மற்றும் தெய்வீகத்தில் தோய்ந்துள்ளது என்ற கருத்தைக் கொண்டவர்கள். இதுவே ஆன்மீக ஞானம். புலன்களால் உணரக் கூடிய இந்த உலகத்தைப் பற்றிய ஞானம் தேவை என்பதில் சந்தேகமில்லை.ஆனால் ஒருவர் அதற்கும் அப்பாற்பட்டுச் சென்று தான், நித்ய,நிலையான சத்தியத்தைத் தெரிந்து கொள்ள முடியும்.கல்வி அறிவு மட்டுமே வாழ்க்கையின் அனைத்தும் எனக் கொள்ளக் கூடாது அது வாழ்வின் ஒரு பகுதி மட்டுமே.நல்லொழுக்கங்களே வாழ்வின் முதுகெலும்பு; ஆன்மீகப் பாதை ஒன்றே அதை வளர்த்துக் கொள்வதற்கான வழி.