உலகியலான பாதையான '' ப்ரேயா மார்க்கிற்கும்'', ஆன்மீகப் பாதையான '' ஸ்ரேயா மார்க்கிற்கும்'' நடக்கும் போராட்டத்தில், மனிதர்கள் உலகியலானவற்றில் மயங்கி, புலனின்பங்களுக்காக தங்களது உயிரைக் கூட தியாகம் செய்யத் தயாராக உள்ளனர். அதற்குப் பதிலாக,அவர்கள் உயர்ந்த சத்தியத்திற்காக,தங்கள் வாழ்வை அர்ப்பணிக்க வேண்டும் அல்லவா? ஸ்ரேயஸின் சக்தி அளவற்ற ஆனந்தத்தை அளிக்க வல்லது.புலனின்பங்களை நாடுபவர்கள்,அவர்களது தீய வழிகளை விட்டு விடுமாறு அறிவுறுத்தும் மற்றவர்களின் வார்த்தைகளை உடனே கேட்க மாட்டார்கள்.அதற்குப் பதிலாக, அவர்கள் பிறரையும் அவர்களது நிலைக்கு இழுத்து கீழே தள்ளி விடுவார்கள். ஆன்மீகப் பாதையை நாடுபவர்கள் தாங்களும் பயனடைந்து,மற்றவர்களின் நலனையும் பேணிக் காத்திடுவார்கள். அவர்கள்,நறுமணத்தைப் பரப்பும் பணியில், தன்னையே எரித்துக் கொள்ளும்,ஊதுவத்தியைப் போன்றவர்கள். எனவே, '' ஸ்ரேயா மார்க்கத்தைப்'' பின்பற்றி, உங்களது இயல்பான தெய்வீகத்தை உணருங்கள்.