நீங்கள் சில நல்ல செய்திகளைக் கேட்கிறீர்கள், சிறிது நேரம் கழித்து சில கெட்ட செய்திகளைக் கேட்கிறீர்கள்.சில சமயம் கழித்து நீங்கள் கடுமையான, நிந்தனை செய்யும் வார்த்தைகளைக் கேட்கிறீர்கள். உங்களது காதுகள் அனைத்து புகழும் மற்றும் இகழும் வார்த்தைகளை ஒன்று போலவே கேட்கின்றன. ஆனால், நல்ல செய்திகள் கூறப்படும்போது, உங்கள் இதயம் பூரிக்கிறது; கெட்ட செய்திகளைக் கேட்கும் போது அது கூனிக் குறுகி விடுகிறது. அதே இதயம்,கடுமையான வார்த்தைகளைக் கேட்ட போது ஆத்திரமடைகிறது;புகழ்ச்சியான வார்த்தைகளைக் கேட்ட போது மகிழ்ச்சியால் நிரம்பி வழிகிறது! காதுகள் தானாகவே எந்த எதிர் செயலையும் செய்ய இயலாதவை; அவை செய்தியை அனுப்ப மட்டுமே செய்கின்றன. இவ்வாறு புலன்கள் உணர்வற்றவை, அவை ஜடமானவை.பின்,இந்த புலன்களின் செயல்களும், அவற்றால் ஏற்படும் அனுபவங்களும் உண்மைகள் என எவ்வாறு எடுத்துக் கொள்ள முடியும்? எவ்வாறு புலன்கள் நம்பத் தக்கவை அல்லவோ, அவ்வாறே அவற்றால் ஏற்படும் எதிர் செயல்களும் அதே அளவு நம்பகத் தன்மை அற்றவை என்பதைப் புரிந்து கொள்ளுங்கள்.இவ்வாறாக நீங்கள் ஆராய்ந்தால், நீங்கள் பகுத்தறிவை வளர்த்துக் கொண்டு, துயரங்களை எளிதாக வென்றிடலாம்.