ஒரு உண்மையான பக்தன்,அதே போதனைகளைக் கேட்பதால் எந்த நேரத்திலும் வெறுப்படையவோ, சலித்துக் கொள்ளவோ, எரிச்சலடையவோ மாட்டான். நீங்கள் கூட ஒரு வேளை பகவானிடமிருந்து அதே அறிவுரையைத் திரும்பத் திரும்பக் கேட்டுக் கொண்டு இருக்கக் கூடும்!இதை நீங்கள் எப்படிப் புரிந்து கொள்வது? நீங்கள் உங்கள் வாழ்நாளில் அதே ஒரு வயிற்றிற்காக பல முறை உணவை உட்கொள்வதில்லையா?நீங்கள் அதை முகத்தை ஒரு வாரத்தில் பல முறை கழுவுவதில்லையா?நீங்கள் சுகம் தருவதாகக் கருதும் இன்னிசையை பல முறை அடிக்கடிக் கேட்பதில்லையா?அதை விட சுலபமான ஒரு உதாரணத்தை எடுத்துக் கொள்ளுங்கள்; நீங்கள் காபி அல்லது டீயை அருந்துகிறீர்கள்- 15 ,20 வருடமாகக் குடித்துக் கொண்டு இருக்கிறோமே என்று எப்போதாவது நீங்கள் சலித்துக் கொண்டதுண்டா? நீங்கள் அந்த ஒரு கோப்பைக்காக பரபரப்புடனும்,உற்சாகத்துடனும் காத்துக் கொண்டு இருப்பதோடு மட்டும் அல்லாமல் அது சில நிமிடங்கள் தாமதமாகி விட்டால், உங்களுக்கு ஒரு தலைவலி கூட வந்து விடுகிறது ! அதைப் போலவே,இப்படிப் பட்ட ஆன்மீக அறிவுரைகளை ஒரு சிறு அளவு அசிரத்தையும் இன்றி கேட்டு, அவற்றைப் பற்றிச் சிந்தித்து, பக்தியின் ஆனந்தத்தை அனுபவிப்பது அத்தியாவசியம் ஆகும்.