ஆசைகள் மனிதனின் சந்தோஷத்தின் ஊற்றுகளாக இருக்கலாம்,ஆனால் அவையே துன்பத்திற்கும் காரணமாகின்றன. மனதைக் கட்டுக்குள் கொண்டு வந்தே ஆக வேண்டும். வேகமாக ஓடி வரும் ரயிலை ஆயிரக்கணக்கான மனிதர்கள் கூட சேர்ந்து நிறுத்த முடியாது.ஆனால், ப்ரேக்கைப் போட்டவுடனேயே ரயில் நின்று விடுகிறது. மனதின் அலைச்சல்களுக்கும் இது பொருந்தும். மனதைக் கட்டுப் படுத்தி விட்டால்,அனைத்து துயரங்களும் மறைந்து விடும்.ஒவ்வொரு மனிதருள்ளும் உறையும் தெய்வீக ஆத்மா உணரப் படுவதில்லை;ஏனெனில் அது ஆசைகள் எனும் மேகங்களால் மூடப் பட்டுள்ளது.சூரியனை மறைக்கும் மேகங்களை ஒரு காற்று விலக்கி விடும் போது, சூரியனின் பிரகாசம் வெளிப்படுகிறது. அதைப் போலவே, எப்போது, அன்பெனும் காற்று இதயத்தில் உள்ள ஆசை எனும் மேகங்களைப் பறக்கடிக்கச் செய்யும் போது,''நான்''(அஹங்காரம் ),'' எனது''( மமகாரம்) என்ற உணர்வுகள் விரட்டி அடிக்கப் பட்டு, உள்ளுறையும் ஆத்மாவின் ஜோதி அதன் முழுப் பிரகாசத்துடன் வெளிப்படுகிறது.