ஒரு இளம் பெண்,இந்நாளில், நல்ல மனைவியாக இருக்க விழைகிறாளே தவிர, தலைசிறந்த அன்னையாக அல்ல.ஒரு மாணவன் இன்று தலை சிறந்த தந்தையாக இருக்க விழைவதில்லை;ஆனால் கவர்ச்சியான கணவனாக இருக்க விழைகிறான். இந்தக் கேடு போதாது என்று, பெற்றோர்களும், இப்படிப் பட்ட விருப்பங்களை வளர்க்கும் கல்வியை ஊக்குவிக்கிறார்கள்.தலை சிறந்த பெற்றோர்களாக தங்கள் கடமைகளை ஆற்றுவதை இளைஞர்களும் மறந்து விடுகிறார்கள். இன்றைய சமூகத்தில், பொதுவாக ஒரு தந்தை,தனது மகன் எல்லாவற்றிற்கும் மேலாக, நல்லொழுக்கங்கள் கொண்ட ஒரு மனிதனாக இருக்க வேண்டும் என விரும்புவதில்லை.அவர் தனது மகன் மெத்தப் படித்தவனாக இருக்க வேண்டும் என்றே விரும்புகிறார்.தங்களது பிள்ளைகள் நல்லொழுக்கமுடைய ஆண்கள் மற்றும் பெண்களாக மாற வேண்டும் என விழையும் பெற்றோரே மதிக்கத் தக்கவர்கள்.உலகியலான கல்வி மட்டுமே வாழ்க்கையின் குறிக்கோளாக இருக்கக் கூடாது. நல்லொழுக்கங்களே வாழ்வின் உண்மையான முதுகெலும்பு.கல்வி வாழ்விற்காக இருக்க வேண்டுமே அன்றி, வெறும் அன்றாட வாழ்க்கையை நடத்துவதற்காக மட்டும் இருத்தல் கூடாது.இதை அடைவதற்கு ஆன்மீக எண்ணங்களும்,ஆன்மீகப் பாதையும் அத்தியாவசியம் ஆனவை.