பகவான் புத்தர்,நாம் கோபப்படக் கூடாது,பிறரிடம் குறை காணக் கூடாது மேலும் பிறருக்குத் தீங்கிழைக்கக் கூடாது, ஏனெனில்,அனைவரும் நித்ய, நிர்மல ஆத்ம தத்துவத்தின் உருவகங்களே என்று போதித்தார். ஏழைகளின் பால் கருணை கொண்டு,உங்களால் இயன்றவரை அவர்களுக்கு உதவுங்கள். சாப்பிடுவதற்கு உணவு இல்லாதவர்களை நீங்கள் ஏழைகள் என்று எண்ணுகிறீர்கள். நீங்கள் ஒருவரை, அவர்களிடம் பணமோ,சாப்பிட உணவோ இல்லாததால் மட்டும், அவர்களை ஏழைகள் என்று அழைக்க முடியாது. உண்மையைக் கூற வேண்டும் என்றால் எவரும் ஏழைகள் அல்ல. அனைவரும் செல்வந்தர்களே, ஏழைகளே அல்ல. நீங்கள் ஏழைகள் என்று கருதுபவர்களிடம்,பணம் இல்லாமல் இருக்கலாம், ஆனால்,அனைவருக்கும், அன்புடன் நேசிக்கும் இதயம் என்ற செல்வம் அளிக்கப் பட்டுள்ளது.இந்த அடிப்படையிலான, அனைவருள்ளும் இருக்கும் ஐக்கியம் மற்றும் தெய்வீகத் தத்துவத்தைப் புரிந்து, மதித்து, ஆனந்தத்தை அனுபவியுங்கள்.'' இவர்கள் எனது நண்பர்கள், அவர்கள் எனது எதிரிகள், அவர்கள் எனது உறவினர்கள்'' என்ற குறுகிய எண்ணங்களைக் கொண்டிருக்காதீர்கள்.அனைவரும் ஒன்றே, அனைவரிடமும் ஒரே மாதிரியாகவே இருங்கள். இதுவே பகவான் புத்தரின் மிக முக்கியமான போதனையாகும்.