அன்பெனும் கனி ஒவ்வொரு மனிதனின் வாழ்விலும் இருக்கிறது.இந்தக் கனியை அனுபவிப்பதற்கு செய்ய வேண்டிய காரியம் அதன் வெளித் தோலை நீக்குவது ஒன்றே.நீங்கள் அதன் தோலை நீக்கியபின்,அதிலுள்ள கசப்பான விதைகைளயும் எடுத்து விடுங்கள்.பின்னர், நீங்கள் அதன் இனிமையான ரசத்தைப் பிழிந்து ,அருந்தி விட்டு, சக்கையை எறிந்து விடலாம்.இறைவன் உங்களுக்கு இந்த சரீரத்தை அளித்திருப்பது அன்பின் இனிமையை அனுபவிப்பதற்காகத் தான் என்பதைப் புரிந்து கொள்ளுங்கள்.படாடோபம் மற்றும் அஹங்காரம் என்ற தோலை உரித்து விலக்கி விடுங்கள்.தீய நோக்கங்கள்,எண்ணங்கள் மற்றும் செயல்கள் என்ற எல்லா விதைகளையும் எடுத்து விடுங்கள். உடமை மற்றும் பற்றுதல்கள் என்ற சக்கையை தூர எறிந்து விடுங்கள்.பின்னர் இருப்பது இனிமையான அன்பெனும் ரசமே.நீங்கள் அனைவருமே விவசாயிகள் தான். உங்களது இதயத்தைப் பண்படுத்த நீங்கள் ஆன்மீக சாதனைகளில் ஈடுபட்டே ஆக வேண்டும்.பண்படுத்தப் படாத நிலத்தால் என்ன பயன்? உங்கள் வாழ்க்கையை வீணாக்காது, நிலத்தை தரிசாக வைத்திராமல், தெய்வீகத்தின் இனிமையை அனுபவிப்பதற்கு ,உங்கள் இதயத்தைப் பண்படுத்துவதிலேயே குறியாக இருங்கள்.