விவாதங்களிலும்,சர்ச்சைகளிலும் ஈடுபடாதீர்கள்; என்னை நம்புங்கள்,உரக்கக் கூக்குரலிடும் ஒருவர் உண்மையை உணராதவரே!தன்னை உணர்ந்தவர்களின் ஒரே மொழி மௌனம்தான்.பேச்சில் மிதமாக இருப்பதைப் பயிலுங்கள்; அது உங்களுக்குப் பல விதங்களில் உதவியாக இருக்கும்.அது ப்ரேமையை வளர்க்கும்; ஏனெனில் பல தவறான புரிதல்களும்,பிரிவுகளும், கவனக் குறைவாகப் பேசப்பட்ட வார்த்தைகளேயே எழுகின்றன.கால் தடுக்கினால், அந்தக் காயம் ஆறிவிடும்; ஆனால் நாக்கு தவறினால், அது பிறரது இதயத்தில் ஏற்படுத்தும் காயம் வாழ்க்கை முழுவதும் நிலைத்து நிற்கும். நாக்கு, நான்கு விதமான பெரிய தவறுகளுக்குக் காரணமாகிறது; பொய் உரைப்பது,அவதூறாகப் பேசுவது, பிறரிடம் குறை காண்பது மற்றும் அளவுக்கு அதிகமாகப் பேசுவது.தனி மனிதர் மற்றும் சமூகத்தில் சாந்தி நிலவ வேண்டும் என்றால், இவை தவிர்க்கப் பட வேண்டும். சகோதரத்துவத்தின் பிணைப்பு, மனிதர்கள் குறைவாகவும் ,இனிமையாகவும் பேசுவார்களேயானால், உறுதிப் படுத்தப் படும். எனவே தான் மௌனம், சாஸ்திரங்களால், ஆன்மீக சாதகர்களுக்கு அறிவுறுத்தப் பட்டது.இந்தப் பாதையில் பல நிலைகளில் இருக்கும் ஆன்மீக சாதகர்களாக நீங்கள் இருப்பதால், இந்தக் கட்டுப்பாடு உங்களுக்கு மிகவும் மதிப்பு வாய்ந்ததாகும்.