ஸ்ரீமத் பகவத் கீதை சமூகத்திற்கு ஆற்றப் படும் சேவையே மிகச் சிறந்த சேவை என்றும் அதுவே மிகவும் பயனளிக்கக் கூடிய ஆன்மீக சாதனை என்றும் அறிவுறுத்துகிறது.இந்தக் கடமையிலிருந்து யாரும் தப்ப முடியாது;நீங்கள் பிறந்த சமூகத்தை,உங்களது அஹங்காரத்தை புடம் போட்டு தூய்மைப் படுத்துவதற்கும், உங்களைக் காத்துக் கொள்வதற்கும், நீங்கள் பயன்படுத்தியே ஆக வேண்டும். ஆன்மீக சாதனையாக ஆற்றப்படும் சேவை சஹானாவை, அதாவது மனோபலத்தைக் கற்பிக்கிறது.அதனால் தான் ஸ்ரீகிருஷ்ணர், அர்ஜூனனை, தனது ராஜ்யத்தின் பங்கை மீட்டு, அதில் தார்மீகமான ஆட்சியையும், அதிலுள்ள மக்கள் தாங்கள் மோக்ஷம் பெறுவதற்கான முயற்சியை வெற்றியுடன் செய்வதற்கான சூழ்நிலையையும் உறுதி செய்வதற்காக போரில் ஈடுபடுமாறு கட்டளை இட்டார்.இதை அவன், அர்ப்பணிப்பு மற்றும் இறைவனது ஸங்கல்பத்திற்கு சரணாகதி என்ற உணர்வுடன், தனது விருப்பு ,வெறுப்புகள் மற்றும் தனது தன்னலமற்ற செயல்களின் விளைவுகளுக்கு அப்பாற்பட்டு, செய்ய நேர்ந்தது. அவதாரங்களும் கூட தங்களது வாழ்க்கையில் சேவையின் தலை சிறந்த முக்கியத்துவத்தை எடுத்துக் காட்டுகிறார்கள்.