நீங்கள் புனித நூல்களைப் படிக்கலாம்,அனைத்து தேவதைகளுக்கும் அனைத்து விதமான வழிபாடுகளைப் படைக்கலாம்;ஒருவேளை அடர்ந்த கானகத்திலோ அல்லது பாதுகாப்பான ஒரு இடத்திலோ இருக்கலாம் ஆனால், நீங்கள் உங்களது விதியிலிருந்து தப்ப முடியாது.ஒரு பாத்திரத்தை சிறிய ஏரியிலோ அல்லது அகண்ட சாகரத்திலோ நீங்கள் முக்கினாலும்,அது கொள்ளுமளவுக்கு மேல் உங்களால் தண்ணீரை எடுக்க முடியாததைப் போன்றது அது.தர்மத்தின் பலமின்றி, உடல் மற்றும் புத்தி பலம் பயனற்றதே. உங்களையே சுய ஆய்வு செய்து கொள்ளுங்கள்- மஹாபாரத இதிகாசத்தில் மஹாவீரனான கர்ணனுக்கு என்ன நிகழ்ந்தது?அவனுக்கு புத்தி கூர்மையும் உடல் வலிமையும் இருந்த போதும் அவன் துரியோதனன்,துச்சாதனன் மற்றும் சகுனியின் நட்பு வட்டத்தில் சேர்ந்ததால், நான்காவது தீய மனிதனாகக் கருதப் பட்டான். எனவே, ஒரு போதும், தீய எண்ணங்களை உருவாக்கி,தகாத காரியங்களில் ஈடுபட வைக்கும் தீயவர்களின் நட்பு வட்டத்தில் இருக்காதீர்கள். இறைவனது தனிப் பெருங் கருணையைப் பெறுவதற்கு, நீங்கள் நல்லவர்களின் சகவாசத்தில் இருந்து நற்பணிகளையே ஆற்ற வேண்டும். பின்னர் இறைவன், அவனது கருணையை அறுவடை செய்வதற்கு ஏற்றவாறு, உங்களது பாத்திரத்தை மிகப் பெரியதான ஒன்றாக ஆக்கி விடுவார்!