ஸ்ரீராமருக்கும்,ராவணனுக்கும் உள்ள வித்தியாசத்தை மூன்று முக்கிய அம்சங்களில் புரிந்து கொள்ளலாம்.ஸ்ரீராமர் இந்த மூன்று குணாதிசியங்களின் திருஉருவாகத் திகழ்ந்தார்:இந்தப் பிரபஞ்சம் அனைத்தின் நலனில் சந்தோஷம் கொண்டார் (ஸர்வ லோக ஹித ரத;). அனைத்து ஞானத்தின் உறைவிடமாக இருந்தார் (ஸர்வ ஞான ஸம்பன்ன:).அவர் அனைத்து நல்லொழுக்கங்களால் நிரம்பியவராக இருந்தார் (ஸர்வ ஸமுத்தித குணை:).நீங்கள் உலக நலனுக்காக இந்த முக்கியமான பாடத்தைக் கற்று,நடைமுறைப் படுத்த வேண்டும். பகவான் ஸ்ரீராமர் சத்தியத்தைக் கடைப்பிடிப்பதன் மூலம் அனைவரது நலனையும் பேணி,தர்மத்தின் உதாரண புருஷராகத் திகழ்ந்தார்.அவரது வாழ்க்கையிலிருந்து நாம்,நமது அன்றாட வாழ்க்கையில் தர்மத்தை நிலை நாட்டுவதன் தலைசிறந்த முக்கியத்துவத்தைப் புரிந்து கொள்ள வேண்டும். நீங்கள் அனைவரும் மிக அதிமாக பேசுகிறீர்கள்.நாம் கொடுத்த வாக்குறுதிகளைக் காப்பாற்ற வேண்டும்;நாம் சொல்வது அல்லது போதிப்பவற்றின் படி, நாம் வாழ்ந்து காட்ட வேண்டும். உங்களது பேச்சு எவ்வளவு உண்மையானது என்பதை நீங்களே சுய ஆய்வு செய்து கொள்ளுங்கள். சத்தியமின்றி,பேச்சிற்கு மதிப்பு எதுவும் இல்லை.