நீங்கள் இந்த உலகத்தில் இருக்கும் வரை, உங்களது கடமைகளை, சிரத்தையுடன் ஆற்ற வேண்டும்.நீங்கள் உங்களது பெற்றோர்களையும், ஆசிரியர்களையும் மதித்து, உங்களது மனைவி ,மக்களைப் பேணிக் காக்க வேண்டும். இவை எல்லாம் நீங்கள் சிரத்தையுடன் ஆற்ற வேண்டிய உலகியலான கடமைகள்.சில சமயம், நீங்கள் இறைவனுக்காக,மற்றவர்களின் கட்டளைகளுக்குக் கீழ்ப்படிய முடியாமல் போகலாம்.நீங்கள் இறைவனுடனான உறவை உண்மையாகவே ஏற்படுத்திக் கொண்டு விட்டு இருந்தீர்களானால், அவ்வாறு செய்வதில் எந்தத் தவறும் இல்லை.பக்த மீரா,ப்ரஹலாதன்,பரதன் ஆகிய அனைவரும் இந்தப் பாதையில் சென்று,இறைவன் பால் கொண்ட உண்மையான ப்ரேமையினால், இறைவனுக்காக, உலகியலான கட்டளைகளுக்கு, கீழ்ப்படியாமல் இருந்தார்கள்.உங்களுக்கு அனைத்தையும் அளிக்கும் இறைவன் உங்கள் பக்கம் இருக்கும் போது, மற்ற உலகியலானவற்றைப் பற்றி நீங்கள் ஏன் கவலைப்பட வேண்டும்? ஒரு கற்பக விருக்ஷமே உங்களிடம் இருக்கும் போது,நீங்கள் வேறு எங்கும் ஏன் செல்ல வேண்டும்?இறைவனை ஒரு போதும் கை விடாதீர்கள்.நீங்கள் அவனுக்காக எதையும் செய்யத் தயாராக இருக்க வேண்டும்.உங்களது மனக்குவிப்பும், இதயபூர்வமான முயற்சியும் இறைவனை அடைவதிலேயே இருக்க வேண்டும்.