கண்ணுக்குப் புலப்படும் பிரபஞ்சம் அனைத்தும் ஒரு அண்டமனைத்தும் பரந்த விரிந்த பல்கலைக் கழகமாகும். பிறந்தவுடன் மனிதர்கள் விலங்குகளுக்கு ஒப்பானவர்கள்.பின்னர், பெற்றோர்கள் குழந்தைக்கு மனிதப் பண்புகளை எவ்வாறு வளர்த்துக் கொள்வது என்று கற்றுக் கொடுக்கிறார்கள். ஒருவேளை பெற்றோர்கள் தேவையான அளவு இந்தப் பணியைச் செய்யாவிடில், அந்தக் குழந்தை ஒரு மிருகமாகவே இருக்கும்.தலைசிறந்த முனிவர்களும், ஆன்றோர்களும் மனிதப் பண்புகளை வளர்த்தால் மட்டும் போதாது எனக் கருதினார்கள்;எனவே,அவர்கள் குழந்தையின் ஆன்மீக வளர்ச்சிக்காக ஒரு ''ஸம்ஸ்காரங்கள்'' என்ற கலாசாரப் பயிற்சி முறையை வடிவமைத்துக் கொடுத்தார்கள். ''ஸம்ஸ்காரங்கள்'' என்றால் என்ன?அது, மனிதனில் உள்ள தீய குணங்களைக் களைந்து, நற்குணங்களை கற்பிக்கும் ஒரு பயிற்சி முறையாகும். அவை, வெளிப்படையான நோக்கை (ப்ரவிருத்தி), உள்நோக்கான திருஷ்டியாக ( நிவ்ருத்தி) மாற்றுவதற்காக ஏற்படுத்தப் பட்டவை. ''ஸம்ஸ்காரங்கள்'' மனித குணங்களை வளர்த்துக் கொள்வதற்கு உதவி புரிவதுடன், மனிதர்களில் எஞ்சி இருக்கும் எல்லா மிருக குணங்களையும் நீக்குவதற்கும் உதவுகின்றன.