சிலர்,'' நாங்கள் எல்லா நேரத்தையும் இறைவனைத் துதிப்பதிலேயே செலவிட்டுக் கொண்டு இருந்தால், எங்கள் வேலைகளை யார் செய்வார்கள்? எங்கள் குடும்பத்தை எவ்வாறு நடத்துவது?'' என்று கேட்கிறார்கள்.நான் உங்களுக்கு ஒரு மிகவும் எளிதான வழியைக் காட்டுகிறேன்-உங்கள் வேலையை, அதுவும், இறைவனுக்குத் தான் சொந்தம் என்று எண்ணிச் செய்யுங்கள். '' இது என்னுடைய வேலை'' என்ற எண்ணத்தில், உங்கள் மனது இல்லாமல் இருக்குமாறு செய்யுங்கள். நீங்கள் ஆற்றும் அனைத்து செயல்களையும் இறைவனுக்காவே செய்வதாக எண்ணுங்கள். அனைத்தையும் அவனது மலரடிகளில் அர்ப்பணம் செய்யுங்கள். நம்பிக்கையுடன் '' நான் என்ன செய்து கொண்டு இருந்தாலும், அதை இறைவன் பால் கொண்ட ப்ரேமையினால் செய்கிறேன்'' என்று உங்களுக்கே கூறிக் கொள்ளுங்கள். பின்னர், நீங்கள் எதையும் விட்டு விடத் தேவையில்லை.பரீட்சையை எதிர் கொண்டு,உங்களது வேலையை பக்தி, சிரத்தையுடன் செய்யுங்கள்.எப்போது, நீங்கள் உங்களது அனைத்து வேலைகளையும் இறைவனது பணி என ஆற்றுகிறீர்களோ, உங்களுக்குச் சரியான சன்மானம் கிடைக்கும். ஒருபோதும், '' இது எனது வேலை, அது இறைவன் வேலை'' எனக் கருதாதீர்கள்; அப்படிப் பட்ட மனப்பாங்கு உங்களுக்குச் சரியான சன்மானங்களைக் கிடைக்க விடாமல் செய்து விடும். அனைத்தும் இறைவனது பணியே என்பதைப் புரிந்து கொள்ளுங்கள்.