நாம் பலரை நண்பர்கள் எனச் சொல்லிக் கொள்கிறோம்.ஆனால்,நமது உண்மையான நண்பன் யார்?உங்கள் பையில் பணம் இருக்கும் வரை, உங்களது பெற்றோர்கள் நல்ல நிலையில் இருக்கும் வரை ஒவ்வொருவரும் உங்களை '' ஹலோ! ஹலோ !''எனக் கூப்பிட்டு, உங்களை நன்றாக நடத்துவார்கள். ஆனால் நிலை மாறி,, உங்களிடம் பணம் இல்லை என்றால், ஒருவர் கூட உங்களுக்கு '' குட்பை!'' கூடச் சொல்ல மாட்டார்கள்.குளம் நிறைந்து இருக்கும் போது,எல்லாத் தவளைகளும் அங்கு போகும்.அது காலியாக இருந்தால், அங்கு உங்களால் ஒரு தவளையைக் கூடப் பார்க்க முடியாது !ஆனால் இறைவன் அப்படி அல்ல.அவனிடம் தன்னலமற்ற அன்பினால் என்றும் நிரம்பி வழியும் ஒரு குளம் இருக்கிறது.எந்த நிலையிலும் அவனது குளம் அமுதமான, இனிய அன்பால் நிறைந்திருக்கும். உங்களது நிலைமையின் மாற்றங்கள், இடம் அல்லது காலம் அல்லது அந்தஸ்து அவனுக்கு ஒரு பொருட்டே அல்ல.இப்படிப் பட்ட உண்மையான நண்பனை விட்டு விட்டு, நிலையற்ற,மிகக் குறுகிய காலமே இருக்கின்ற நட்பைக் கொண்ட உலகியலான, தாற்காலிகமான, பொய்யான நண்பர்களைப் பெறுவதற்காக ஏன் போராடுகிறீர்கள்?இறைவனுடன் ஸாஸ்வதமான நட்பை நீங்கள் வெல்ல வேண்டும் எனப் பிரார்த்தியுங்கள்.