சில சமயம், நீங்கள் நிறைய நேரம் படிப்பதில் செலவிட்டு இருந்தாலும் கூட, நீங்கள் எழுதிய பதில்களால் நீங்கள் திருப்தி அடையாமல் இருக்கக் கூடும். ஏன்?ஏனென்றால், பரீட்சைகளுக்குத் தயார் செய்யும் போது, வெறும் படிப்பது மட்டும் போதாது.நீங்கள் வீட்டில் நிறையப் படித்து விட்டு பரீட்சை ஹாலில் நன்றாக எழுதலாம் என்ற நம்பிக்கையுடன் இருக்கலாம்; ஆனால் அது பலனளிக்காது. நீங்கள் பரீட்சை ஹாலில் என்ன செய்ய வேண்டுமோ அதை வீட்டிலேயே கண்டிப்பாகப் பயின்று பார்க்க வேண்டும்.அதனால் நீங்கள் பெரும்பாலும் விடைகளை எழுதிப் பார்ப்பதில் பயிற்சி செய்ய வேண்டும்.பல விஷயங்கள் நீங்கள் படிக்கும் போது தெளிவாக இல்லாமல் இருக்கலாம், ஆனால் நீங்கள் அவற்றை எழுதும்போது அவை எளிதாகப் புரிய வரும். எவ்வளவுக்கு எவ்வளவு நீங்கள் வீட்டில் எழுதிப் பயிற்சி செய்கிறீர்களோ, அவ்வளவுக்கு அவ்வளவு பரீட்சை ஹாலில் நன்றாகச் செய்வீர்கள்.உங்களது வெற்றிக்கான மற்றும் ஒரு ரகசியத்தை உங்களுடன் பகிர்ந்து கொள்கிறேன். பரீட்சை ஹாலில் வினாத்தாளைப் பெறுவதற்கு முன்பு, இறைவனை நீங்கள் முதலில் பிரார்த்திக்க வேண்டும்.உங்களது பிரார்த்தனைக்குப் பிறகே , வினாத்தாளைப் பெறுங்கள்.பின்னர் மெதுவாக வினாத்தாளைப் படியுங்கள்; எளிதான கேள்விகளுக்கு முதலில் பதில் அளிக்கத் தொடங்கி, கடினமான கேள்விகளுக்கு இறுதியில் பதில் அளிக்க முயற்சி செய்யுங்கள்.